samedi 13 octobre 2012

زمان فات و زمان يجي

واش من بال بقيت فيه، تخمامي هوا فتات من زمان فات وشكون باقي يخمّم فيه
ناس بكري و ناس ضركا، يا ربّي وين حنا و واش نولّيو تاني غدوة
ما نحبش الـحديد لي يبرق، ما نحملش الـبلاستيك، أش من حياة بقات ف صوالحنا
غلبني الـتفكار و الـمحنة لي فيه و سهيت عاود، حتا لي نصحا اعدروني...ـ

vendredi 13 avril 2012

ارمي همّك، على قلب الساهيين...

حُطّ حجر و رملة، و دير ظالة على الـقلوب و الـجسام، باش ما يزغدوش، ما يتنفسوش، ما يغلطوش و ما يخبّلوش الـنيظام لي داروه الـقدام و ما يديرانجوش الـمسار الـساكت لي صاري فوق الـطبقة، الـغشوة، هاد الـشعب...
...
 الـتقل الـحيّ لي ما عندهُش صوت، ما عندوش كلام، ما يعرف غير الـوجع لي محمول من برّة لل داخل، و يدير الـضرب بين الـضمامر و عضام الـراس، ينسمّع حُسّهُ كي الـغصمار لي يتخبّط معا روحهُ فل برد...

...
ارمي و زيد همكّ
هاداك، ارمي كلّي راك مقابل بير غامق، و اتكل بليّ كلشي يبقا كيما راه، بلي الـساكت يبقا صابر و بلي الـحجرة ما تنشقش بل الـعضام لي نطواو تحتها ؛ مادامهم مغمومين و مسكّجين، ما دامهم ساهيين و تايهين، هادوك ياماتك...ـ